Notice: Function _load_textdomain_just_in_time was called incorrectly. Translation loading for the gotmls domain was triggered too early. This is usually an indicator for some code in the plugin or theme running too early. Translations should be loaded at the init action or later. Please see Debugging in WordPress for more information. (This message was added in version 6.7.0.) in /home/admin/public_html/heyobas.info/wp-includes/functions.php on line 6121 Warning: Cannot modify header information - headers already sent by (output started at /home/admin/public_html/heyobas.info/wp-includes/functions.php:6121) in /home/admin/public_html/heyobas.info/wp-includes/feed-rss2.php on line 8 އެހެނިހެން – heyobas https://heyobas.info Wed, 04 Aug 2021 21:37:16 +0000 en-US hourly 1 https://wordpress.org/?v=6.8.2 ރައިސް އިބްރާހިމް ނާސިރު https://heyobas.info/?p=3498 https://heyobas.info/?p=3498#respond Fri, 18 Feb 2022 13:06:00 +0000 http://www.heyobas.info/?p=3498 މާޒީވި ތާރީޙުގެ ފަތްފުތްތަކުންނާއި ލޮލުންދެކެފައިވާ މީހުންގެ ފަރާތުން އެނގިހާމަވާން އޮތް ބޮޑު ޙަޤީގަތަކީ ދެވަނަ ޖުމްހޫރިއްޔާގެ ފުރަތަމަ ރައީސް އިބްރާހިމް ނާސިރުއާއި މެދު ރާއްޖޭގައި ކަންތަށް ކުރެވިފައިވަނީ ވަރަށް އިހާނެތިކޮށެވެ. ދުނިޔޭގެ އެއްވެސް ޤައުމެއްގައި ވެރިކަންކުރި މީހަކާއި މެދު  އަމަލުނުކުރާފަދަ ގޮތަކަށެވެ. 20 އަހަރު ދުވަހު ރާއްޖޭގެ ވެރިކަންކުރެއްވުމަށްފަހު އިބްރާހިމް ނާސިރު ވެރިކަން އަމިއްލަފުޅަށް ދޫކޮށްލެއްވީ 10 ނޮވެމްބަރ  1987 ވަނަ ދުވަހުގެރޭ މެންދަމު 12 ޖަހާއިރުއެވެ . އިބްރާހިމް ނާސިރު ވެރިކަން ދޫކޮށްލެއްވުމާއި އެކު  މައުމޫން އަބްދުލްޤައްޔޫމް ހަމަ އެވަގުތު ވެރިކަމާއި ހަވާލުވެވަޑައިގަތެވެ.


 ރައިސް އިބްރާހިމް ނާސިރު ވެރިކަމުން ފައިބާ ވަޑައިގަތުމާއި އެކު ތަފާތު އެތަކެއް ތުހުމަތު ތަކެއްކުރިއެވެ.  އެހެންނަމަވެސް އަޅުގަނޑުމެން ގަބޫލުކުރަންޖެހޭނެ ޙަޤީގަތަކީ ކުށެއް ސާބިތު ނުވާހާ ހިނދަކު އެއްވެސް މީހަކީ ކުއްވެރިޔެއް ނޫންކަމެވެ. އަދި އެމީހަކީ ކުއްވެރިޔެއްގޮތުގެ ބެލުމުގެ ޖާގަ އެއްވެސް ފަރާތަކަށް ލިބިގެން ނުވެއެވެ. އެހެންނަމަވެސް ނާސިރު ވެރިކަމުން ފައިބާ ވަޑައިގަތުމާއި އެކު ސަރުކާރުގެ އިސްފަރާތްތަކާއި އާންމުން މުޒާހަރާތައްކޮށް ހުތުރު އެއްޗެހެތި ކިޔަންފެށުނެވެ.  ސަރުކާރުގެ ރޭޑިޔޯއިންވެސް ކެނޑިނޭޅި އިވެމުން ދިޔައީ މަލާމާތުގެ ލަވަތަކެވެ. ހިތާމަހުއްޓެވެ. ޤައުމުގެ ތަރަށްގީގެ ބިންގާ އަޅުއްވައިދެއްވި ހަރުދަނާ ލީޑަރު އިބްރާހިމް ނާސިރު އާ ދެކޮޅަށް މިހުރިހާ ކަމެއް ރޭވިފައިވަނީ އޭރުގެ ސަރުކާރުގެ ތެރޭންނެވެ.ސުމުއްވުލް އަމީރު އިބްރާހިމް ނާސިރު ވެރިކަން ދުކުރަށްވާ މާގިނަދުވަހު ރާއްޖޭގައި މަޑުނުކުރަށްވައެވެ. މިގޮތުން 1978 ގެ ޑިސެމްބަރ 7 ވީ ބުރާސްފަތި ދުވަހު ރާއްޖެ ދޫކުރަށްވާ ސިންގަޕޫރަށް ދިރިއުޅުން ބަދަލުކުރެއްވިއެވެ. އެޔަށްފަހު ސިންގަޕުރުގައި އުޅުއްވަމުންއައިސް ރާއްޖެއަންނަން ބޭނުންފުޅުވެގެން ދިވެހި ސަރުކާރުގަ އެދުމުން ޖަވާބު ނުލިބި ވަނިކޮށް އޭގެ ތިރީސް އަހަރު ފަހުން އިބްރާހިމް ނާސިރު މިފަނާވަނި ދުނިޔެއިން ވަކިވިއެވެ.  އެއީ 2008 ވަނަ އަހަރުގެ ނޮވެންބަރު 22 ވީ ހޮނިހިރު ދުވަހުގެރޭގެ 7 ޖަހާކަށްހާއިރުއެވެ.

ރާއްޖޭގެ ތަރަށްގީގެ ބިންގާއަޅުއްވައިދެއްވެވި ހަރުދަނާ ލީޑަރަކީ ސުމުއްވުލް އަމީރު އިބްރާހިމް ނާސިރު ކަމާއި މެދު ޝައްކެތްނެތެވެ. ދިވެހިންގެ ދިގު ތާރީޙު މިކަމަށް ހެކިދެއެވެ. ތާރީޙުުގެ ފަތްފުތްތަކުން މިޙަޤީގަތް ވަރަށް ސާފުކޮށް ފެންނާންއެބައޮތެވެ. ތަޢުލީމީ ދާއިރާ ހަރުދަނާކޮށް ކުރިއަރުވާ ޖީސީއީ އޯލެވެލް ތަޢާރަފްކުރިއެވެ. ސަރަޙައްދީ ފެންވަރުގައި ފާހަގަކުރެވޭފަދަ ސިޕިންގ ލައިނެއް އުފެއްދެވިއެވެ. މާލޭ އިންޓަރނޭޝަނަލް އެއާރޕޯޓްގެ ބިނާކުރިއެވެ. ރޭޑިއޯާ ސްޓޭޝަން އުފެދުނެވެ. އަތޮޅުތަކުގެ ރަށްޔިތުންގެ ފުދުންތެރިކަން އިތުރުކުރުމަށްޓަކައި މާލޭގައި އަތޮޅު ފިހާރަތަކެއް އުފައްދަވައިދެއްވިއެވެ. ކީރިތި ޤުރުއާނުގެ ތަރުޖަމާ ދިވެހި ބަހުން ލިޔެވުނެވެ. ރާއްޖެއަށް އިނގިރޭސީންގެ އަތުން މިނިވަންކަން ހޯދަވައިދެއްވީވެސް އިބްރާހިމް ނާސިރުގެ ވެރިކަމުގައެވެ. މިހެން ގޮސް ކިޔާ ކޮޅުން ލާކަށްނެތެވެ. އެމަނިކުފާނުގެ ހިދުމަތްތަށް ނުހަނު ގިނަގުނައެވެ. އެހެންނަމަވެސް އެމަނިކުފާނު ވެރިކަމުން ފައިބާވަޑައި ގަތުމާއި އެކު އެމަނިކުފާނާއި މެދު ކަންތަށްކޮށްފައިވަނީ ވަރަށް ދެރަކޮށެވެ.

މިދިވެހިރާއްޖޭގެ ތަރަށްގީގެ ބިންގާ އަޅުއްވައިދެއްވި އިބްރާހިމް ނާސިރުގެ ފަރާތުން ސަރުޢީ ކޯޓަކުން މައްސަލަ ބެލުމުގެ ކުރީން އެމަނިކުފާނަށް މަލާމާތްކޮށް ކާރޓޫން ކުރަހާ މަލާމާތުގެ އެތަކެއް ލަވައެއް ހަދައި ރޭޑިއޯއިން ފޮނުވަމުންދިޔައެވެ. ރޯލުތަށް ހަދައި ވިއްކަމުންއައެވެ. އިބްރާހިމް ނާސިރުގެ ފަރާތުންވެސް ކުށެއް ސާބިތުވެފައިވާނަމަ ޙައްޤު އަދަބު ދިންނަމަ މައްސަލައެއްނެތެވެ. ނަމަވެސް ފެނިގެން ދިޔައީ މުޅިން އެހެން މަންޒަރެކެވެ. މައްސަލަތަށް ބަލައި ހުކުމް އިއްވުމުގެ ކުރިންވެސް އޭރުގެ ސަރުކާރުގެ އިސްފަރާތްތަކުން ތަކުރާރުކޮށް އަންގަމުން ދިޔައީ ނާސިރުއަކީ ވަގެއްކަމަށެެވެ. ކުށްވެރިއެއްކަމަށެވެ. ނުވިތާކަށް މާލޭގެ މަގުތަކުގައި ނާސިރުއަށް މަލާމާތްކޮށް ކުރަހާފައިވާ ކާރޓޫންތަށް ބަހައްޓާފައިވއެވެ. އަދި ހަމަ އެހެންމެ ރާއްޖެތެރޭގައިވެސް ނާސިރުގެ ކާރޓޫންކުރަހާ ދަންޖައްސާ ރަށްޔިތުން ނިކުމެ ނާސިރާއި އިދިކޮޅު ސުޢޫރު ފާޅުކުރަމުން މަގުމަތީ ހަޑިހުތުރު ބަހުން ހަޅޭލަވަމުން ހިނަގާފައިވެއެވެ. މިހުރިހާކަމެއްވެސް ހިނގަމުން އައިސްފައިވަނީ ދިވެހި ސަރުކާރުގައި އިސްކޮށްތިބި ފަރާތްތަކުގެ ފުރިހަމަ ބައިވެރިވުމާއި އެކުގައެވެ.

ރައިސް އިބްރާހިމް  ނާސިރު ވެރިކަން ދުކޮށްލެވުމުން އެހިންގި ނާތަހުޒީބު އަމަލުގައި ސަރުކާރުން ބައިވެރިވެފައި ވުމަކީ އޭރުގެ އެކަމުގައި އިސްކޮށްތިބި ފަރާތްތަކުން ދިވެހި ރައްޔިތުންގެ ކިބައިން މާޢާފަށް އެދެންޖެހޭނޭ ކަމެއްކަން ޔަގީނެވެ. އެމަނިކުފާނަށް ކުރެވިފައިވާ މަލާމާތަކީ އިންސާނަކަށް ކުރަން ހެޔޮނުވާނޭފަދަ މަލާމާތްތަކެވެ. ކުރެހިފައިވާ ކާރޓޫންތަކަކީ ބަލަން ނުކުރޭފަދަ ހަޑިހުތުރު ކާރޓޫންތަކެވެ. އައިބު ސިފަތަކާއި މިނިކާ ޖަނަވާރުންގެ ފަދައިން ސިފަކޮށް ކާރޓުންކުރަހާ އާންމުކޮށްފައިވާކަމީ ޙަޤީގަތެވެ. އެދުވަސްވަރު ސަރުކާރުގެ ލައިބްރަރީގައި ކޮންމެ މީހަކަށް ފެންނާނޭހެން ނާސިރުއަށް މަލާމާތްކޮށް އައިބުކިޔާފަ ކުރަހާފައިވާ ކާޓޫން ހިމެނޭ އާބާރު ނޫސް ހުރެއެވެ. މިހުރިހާ ކަމެއްގެ ޙަަޤީގީ ބޭނުމަކީ ދިވެހިންގެ ތަރަށްޤީގެ ބާނީ އިބްރާހިމް ނާސިރުއާމެދުގައި ދިވެހިންގެ ހިތުގައި ނަފުރަތު އުފައްދާ ރުޅިވެރިކަން އުފެއްދުމެވެ.

ރާއްޖޭގެ ތަރަށްޤީގެ ބާނީ އިބްރާހިމް ނާސިރުއަށް މަލާމާތްކޮށް ކާރޓޫނުކުރެހުމުގެ  އިތުރަށް ރޭޑިޔޯއިން މަލާމާތުގެ އެތަކެއް ލަވައެއް ފޮނުވާފަވެއެވެ. ނޫސްތަކުގައި އެތަކެއް ލިއުމެއް ލިޔެފައިވެއެވެ. ނާސިރުއާ މަލާމާތްކޮށްހެދިފައިވާ ލަވަތަކަކީވެސް ޙަޤީގަތާއި އިންސާފަށް ވިސްނާލާއިރު އަޑުއަހާލަން އުނދަގޫ ލަވަތަކެކެވެ. އަދި ކިއެއްތަ މީހަކާމެދުގަ ހަސަދަވެރިވެ ރުޅިއަޔަސް އެފަދަ މަލާމާތުގެ ލަވަތަށް ހަދަން ހަމަ ހެޔޮނުވާނޭކަން ޔަގީނެވެ.

ރައިސް އިބްރާހިމް ނާސިރުއަށް އަދި އޭރުގެ ސަރުކާރުގައި ތިބި އިސް ފަރާތްތަކަށްވެސް އެފަދަ މަލާމާތުގެ ޅެންތަކާއި ކުރެހުންތަށް ރަށްދުކޮށްފައިވެއެވެ. “ތިއެ ފިރުޢައުނޭ ދެން ނިމިދާނޭ އަސްލުވެލާނާ” “ނާސިރު ވަގު”،ހިތުގައި ރަޙުމެއްތް ނުވާ މީހަކީ ނާސިރޭ” އަރާ މީބަނޑު ތިޔަ ހިނދޭނީ ފަނާވެ ނިމިގެންނޭ” “ވެލާނާ އުނދުޅި،އާދެ ބޮއްކަޅު ދިއުޅި، ބުއްދިއެއް ނުވި ދިއުޅި، ދަންނަ އެންމެން ބުނޭ ރަންނަމާރީ ތިއޭ،  މީ ދެވަނަ ޖުމުހޫރިއްޔާގެ ރައީސް އިބްރާހިމް ނާސިރުއަށް ނިސްބަތްކޮށް ހަދާފައިވާ މަލާމާތުގެ ޅެންޅެމުގެ ކުޑަމިންވަރެކެވެ. އިބްރާހިމް ނާސިރުއަށް މަލާމާތްކޮށް  ހަޑިހުތުރުބަހުން މުޙާތަބުކުރެވިފައިވާ ޅެންތަށް ވަރަށްވެސް ގިނައެވެ. އެހެންކަމުން މިފަދަ ލިއުމެއްގައި ލެންތަކުގެ ތަފްސީލަށްދާކަށް ނެތީމެވެ.  އެހެންނަމަވެސް މަލާމާތާއި ފުރަށްސާރައިގެ ގޮތުން ހެދިފައިވާ ޅެންތަކަށް ބަލައިލާނަމެވެ. އެގޮތުން ނަސީމީ ޝުއޫރު، ބޭނުންވިޔަކަށް، ބާޢީބޭ ސިންގަޕޫރުގައި، ޚަރާބު ސިކުނޑި، ވެރިކަމުގެ މަސްތުގައި، ތިޔައީ ނާސިރޭ، ޢައްދާރު ޑާކޫ، ކެވުނު ތަކެތި، ކާފަ ދަރިފުޅު، ބޭޒާރުވުމުން، ފިލާތިބެ ބަލަ! އާދޮގޭ!،  އަދިވެސް ބެހޭނެބާ!، ވަގަށް ނެގި އެއްޗެތި ކޮބާ!،  މަކަރުވެރި ޢައްދާރު، ފަދަ ނަންނަމުގައި ޅެންތަށް ނެރެވުނެވެ.  އަދި މީގެ އިތުރަށް ނާސިރުގެ ވެރިކަމުގައި އިސްކޮށް ތިއްބެވި އަދި ރާއްޖޭގެ ރަށްޔިތުންނަށް ގިނަގުނަ އެހީތަށް ދެއްވި ކުވާ މޮހެދޭ އަދި މައިޒާން އަލިބެ ފަދަ މީހުންނަށްވެސް އެޅެންތަކުގައި މަލާމާތް ރައްދުކޮށްފައިވެއެވެ.

ކޮންމެބަޔަކު ކޮންމެ ގޮތަކަށްދެކުނަސްރައިސް އިބްރާހިމް ނާސިރު އަކީ މިގައުމުގެ ތަރައްޤީގެ ބާނީއެވެ.  ރައިސް އިބްރާހިމް ނާސިރުއަކީ ދިވެހިރާއްޖެ މިދެކޭ ތަރަށްޤީގެ ބިންގާއަޅުއްވައިދެއްވި ލީޑަރެވެ.  ކުށްކުރުމަކީ އިންސާނީ ސިފަޔަކަށް ވީހިނދު ނާސިރުއަށްވެސް ކުށެއް ކުރެވިދާނެއެެވެ.  އެހެންނަމަވެސް  ސަރީއަތުގެ ބޭރުން ވަގަށްގޮވާ މަލާމާތްކޮށް ފުރަށްސާރަކުރުމުގެ ޙައްޤު އެއްވެސް ފަރާތަކަށް ލިބިގެންނުވެއެވެ. ވައްކަންކުރިނަމަވެސް ޚިޔާނާތްތެރިވީނަމަވެސް އެކަމަށް ކަނޑައެޅޭ އަދަބުގެ ބޭރުން މިފަދަ ކަންތަށްތައްކުރުމަކީ އިންސާފާއި އަޙުލާޤީ އުސޫލުތަކާއި ހިލާފުކަމެކެވެ. އިބްރާހިމް ނާސިރުގެ މައްޗަށް ޚިޔާނާތުގެ ދައުވާކޮށް މައްސަލަ ހައިކޯޓުން ނިންމެވިއިރު  އެމަނިކުފާނު ދައުލަތަށް ދަށްކަންޖެހޭ( ދިހަ މިލިއަން ތިންސަތޭކަ އަށްހާސް ހަތްސަތޭކަ ތިރީސް ރުފިޔާ ހައްދިހަ ފަސްލާރި) އާއި ( ދެމިލިއަން ފަސްސަތޭކަ ހަތްދިހަ ހާސް އަށްޑިހަ އަށެއް ޕޮއިންޓް ފަހެއް ޔޫ.އެސް ޑޮލަރު 30 ޖަނަވަރީ 1986 ފެށިގެން ހަމަދުވަސްތެރޭގައި ދަށްކަވައި ނިންމަވަން އެންގުނެވެ.  އަދި ފަހުން އިބްރާހިމް ނާސިރުގެ ވެލާނާގެވެސް ސަރުކާރަށް ނެގުނެވެ. އެހެންނަމަވެސް ފަހުން އެނގިފާޅުވީ ބޮޑު ޙަޤީގަތަކީ އިބްރާހިމް ނާސިރުގެ ޚިޔާނާތެއް ނެތްކަމެވެ. އަދި ސައުދީ ރަސްގެފާނު ދެއްވި  20ލައްކަ ޑޮލަރުގެ ޗެކުވެސް ނާސިރު ބޭނުންކުރިކަމަށް ތުހުމަތުކުރެވުނު ނަމަވެސް  ސިންގަޕޫރު ހަބީބު ބެންކުގެ ދިވެހި ސަރުކާރުގެ އެކައުންޓުގައި ޖަމާކޮށްފައިވާކަންވެސް އެނގިހާމަވީއެވެ. ﷲ އިބްރާހިމް ނާސިރުގެ ފުރާނަފުޅަށް ހެޔޮރަޙުމަތް މިންވަރުކުރަށްވާށިއެވެ. އާމީން

]]>
https://heyobas.info/?feed=rss2&p=3498 0
ބީޓްރޫޓް ޖޫސް ބުއިމުން ލޭގެ ޕްރެޝަރ ދަށްވޭ https://heyobas.info/?p=3217 https://heyobas.info/?p=3217#respond Fri, 09 Aug 2013 09:33:12 +0000 http://www.heyobas.com/?p=3217 ބީޓްރޫޓް ޖޫސް ބުއިމަކީ ލޭގެ ޕްރެޝަރ ދަށްކޮށްދޭ ކަމެއްކަމަށް ދިރާސާއަކުން ދައްކައިފިއެވެ. އޮސްޓްރޭލިއާގެ މެލްބޯންގައި ހުންނަ ބޭކަރ އައިޑީއައި ހާރޓް އެންޑް ޑައިބެޓީސް އިންސްޓިޓިއުޝަންގެ ޑޮކްޓަރުކުރި މި ދިރާސާއިން އެނގުނުގޮތުގައި ބީޓްރޫޓް ޖޫސް ބުއިމުން ލޭގެ ޕްރެޝަރު ހަތަރެއް ނުވަތަ ފަސް ޕޮއިންޓްވަރު އެވްރެޖްގޮތެއްގައި ދަށްވެއެވެ.

މިއީ ދާދި ކުޑަ މިންވަރެއްކަމުގައި ވިއަސް މީގެ ސަބަބުން ހާޓް އެޓޭކް ޖެހިގެން މަރުވާ މީހުންގެ އަދަދު 10 ޕަސެންޓް ދަށްކުރެވިދާނެކަމަށްކަމަށް އިންސްޓިޓިއުޝަންގެ އެމްޑީ ބުނެއެވެ. ”ކުޑަކުޑަ މިންވަރަކުން ވެސް ނަތީޖާ ބަދަލުވެދާނެ. އަދި އާދަކޮށް ބީޓްރޫޓް ޖޫސް ބޯން ފަށައިފިނަމަ ލޭގެ ޕްރެޝަރު އިތުރަށް ދަށްވުން ވެސް އެކަށީގެންވޭ” ޑރ. ލީ ކޯލްސް ބުނެފައިވެއެވެ.

މި ދިރާސާގައި ސިއްހަތު ރަގަޅު 15 ފިރިހެނުންނާއި 15 އަންހެނުން ބައިވެރިވެފައިވެއެވެ. މި އެންމެން ވެސް 17.5 އައުންސްގެ ދިޔާ އެއްޗެއް ދިރާސާގައި ބޭނުންކުރިއިރު އޭގެ ¾ އަކީ ބީޓްރޫޓް ޖޫހެވެ. އަދި ¼ އަކީ އާފަލު ޖޫހެވެ. ލޭގެ ޕްރެޝަރު ދަށްވާންފެށީ ބީޓްރޫޓް ޖޫސް ބުއިމުގެ 6 ގަޑިއިރު ފަހުންކަމުގައި ދިރާސާކުރި ފަރާތްތަކުން ބުނެއެވެ. އަދި ޕްރެޝަރު ބޮޑަށް ދަށްވެފައިވަނީ ބީޓްރޫޓް ޖޫސް ބޭނުންކުރި ފަރާތްތަކުގެ ތެރެއިން ފިރިހެނުންގެ ކަމުގައި ވެސް ދިރާސާގައިވެއެވެ. މިގޮތުން ފިރިހެނުންގެ ލޭގެ ޕްރެޝަރުވަނީ އެވްރެޖްކޮށް 4.7 ޕޮއިންޓް ދަށްވެފައެވެ.

ބީޓްރޫޓްގައި ހިތާ ރަށްޓެހި މާއްދާތައްކަމުގައިވާ ވިޓަމިން ސީ، ވިޓަމިން ކޭ، ފައިބަރ، ހިމެނޭކަމަށް ވިއަސް ސައިންސްވެރިން ބުނާގޮތުގައި ލޭގެ ޕްރެޝަރ ދަށްވުމުގެ ޙަޤީޤީ ސަބަބަކީ ބީޓްރޫޓްގައި ނައިޓްރޭޓް ހިމެނިފައިވުމެވެ.
މި ދިރާސާ މިހާރު ވަނީ ‘ނިއުޓްރިޝަން ޖާރނަލް’ ގައި ޝާއިޢުކޮށްފައެވެ.

]]>
https://heyobas.info/?feed=rss2&p=3217 0
ރީތި އަންހެނެއްގެ ސިފަތަކަކީ ކޮބައިބާ؟ https://heyobas.info/?p=1471 https://heyobas.info/?p=1471#respond Wed, 27 Jun 2012 05:08:39 +0000 http://www.heyobas.com/?p=1471 (ހ) ރީތިކަމުގެ މިންގަނޑަކީ އަބަދުވެސް ބަދަލުވަމުންދާ އެއްޗެކެވެ. ޒަމާނާއި ތަނާއި ދުވަސްވަރު ބަދަލުވުމާ ގުޅިގެންނެވެ. ޚާއްޞަކޮށް އަންހެނެއްގެ ރީތިކަމާ މެދުގައެވެ. ޔޫނާނީ ފަލްސަފާ ވެރިއަކު ވިދާޅުވާ ގޮތުގައި

ތިން ސިފައެއް ޖަމާވެގެން ނޫނީ ރީތި އަންހެނެއްކަމުގައި ނުބެލެވޭނެއެވެ. އެތިން ސިފައަކީ:

(1) ފުރަތަމަ ސިފައަކީ، މީހާ ދޮންވުމެވެ. އަތްތިލަ އޮމާންވެފައި ރީތިވުމެވެ. އަދި ދަތްޕިލާ ހުދުވުމެވެ. ދެލޮލުގެ ކަޅި ކަޅުވުމެވެ. ބުމަ ހިމަވެފައި ކަޅުވުމެވެ. ދެތުންފަތާއި ކޯތާފަތާއި ނިޔަފަތީގައި ރަތްކުލަ ހުރުމެވެ.

(2) ދެވަނަ ސިފައަކީ، މޭކަށިގަނޑުގެ ދެމެދު ފުޅާ ނުވުމެވެ. ނިތާއި ދެލޮލާއި ދެމެދު މާތަނަވަސް ނުވުމެވެ.

(3) ތިންވަނަ ސިފައަކީ، ދިގު ހަށިގަނޑެއްގެ ވެރިއަކަށް ވުމެވެ. އަދި ބޮލުގެ އިސްގަނޑު ދިގުވެ، ބޮޑުވުމެވެ. ތިމާގެ ދިގުމިނާ އެއްވަރަކަށް ދެއަތުގެ ދިގުމިންވަރު ހަމަހަމަވުމެވެ……..

(ށ) ޔޫނާނީ ފަލްސަފާވެރިންގެ ނަޒަރުގައި ރީތި އަންހެނެއްގެ ސިފައަކީ މިއީ ކަމުގައި ވިއަސް މިއަދު އަންހެނުންގެ ރީތިކަން ބައްޓަންކުރަމުންދާ މީހުން، އަންހެނާގެ ރީތިކަން ސިފަކުރަނީ މިފަދައިންނެވެ.

(1) އެއްވެސް އަންހެނަކީ ހުތުރު މީހެއްނޫނެވެ. އެހެން ޢިބާރަތަކުން ބުނާނަމަ އެއްވެސް އަންހެނަކީ ވަކި ރީތިކަމެއް ޚާއްޞަވެގެންވާ މީހެއްނޫނެވެ. ކޮންމެ މީހެއްގެ ކިބައިގައިވެސް ރީތިކަން ހުންނާނެއެވެ. އަދި ޢައިބުވެސް ހުރެދާނެއެވެ. ތިމާއަށް ޤުދުރަތުން ދެއްވާފައިވާ ރީތިކަމުގެ މައްޗަށް ޒީނަތްތެރިކަން އިތުރުކުރުމުން ޢައިބުތައް ފޮރުވި، ރީތިކަން އަތުވެދާނެއެވެ. މީގެ ސަބަބެއްކަމުގައި އެމީހުން ދެކެނީ ކޮންމެ އަންހެނަކީވެސް ކިތަންމެ ކުޑަނަމަވެސް އެމީހަކު ރީތިވުމުގައި ވަކި ކަންތައްތަކެއް މިލްކުވެފައިވާ މީހެކެވެ. އެކަންކަން އެމީހެއްގެ ކިބައިގައި ހުރިހާ ހިނދަކު އެމީހާއަކީ ރީތި މީހެކެވެ. މީގެ މިސާލަކީ، ހަންގަނޑު ރީތި އޮމާން އަންހެނެއްގެ ތުންފަތް ބޯވެފައި ލޯބޮޑުވެފައި ލޯ ވަޅުވަދެފައިހުންނަ ހުރުމެވެ. ހަމައެހެންމެ އަންހެނެއްގެ އޮމާން، ރީތި ހަންގަޑެއް ހުރެފައި، ހިނިތުން މޫނެއްގެ ވެރިއަކަށްވެފައި، ދެތުންފަތް ތުނިވެފައި އަނެއްކޮޅުން ނޭފަތް ނުލާހިކު ބޮޑުކޮށް ހުންނަތަންވެސް އާދެއެވެ. އެހެންކަމުން މިއިން ކޮންމެ މީހަކީ، ވަކި މީހަކެވެ. މިއިން އެކަކީވެސް އެއްބައި ސިފަ ރީތިވެފައި އަނެއްބައި ސިފަ ހުތުރޭ ބުނެވޭ ކަހަލަ މީހެކެވެ. ކޮންމެ މީހަކީވެސް ޢާއްމުކޮށް ރީތި މީހެކޭ ބުނެވުނަސް މިކަހަލަ ޢައިބު ކިޔާލެވޭ ބައެއް ސިފަ އެއިން ކޮންމެ މީހެއްގެ ކިބައިގައިވެސް ހުންނާނެއެވެ. ހަމަ އެއާއެކު ލޮލުގައި އަޅައިނުގެނެވޭ ކަހަލަ މީހުންގެ ކިބައިގައިވެސް ވަރަށްބޮޑަށް އިމްތިޔާޒުވެ ޚާއްޞަކުރެވޭ ކަހަލަ ރީތި ކަންތައްތަކެއް ހުރެދެއެވެ. އެހެނީ ރީތިކަން ތަޞައްވުރަށް ގެނައުމުގައި ޢާއްމުކޮށް ބެލެވެނީ މުޅި ހަށިގަނޑަށް އެއްފަހަރާއެއް ނޫނެވެ. އެކިއެކި ގުނަންތަކަށް ވަކިވަކިންނެވެ. މިއިން ކޮންމެ ގުނަނަކީ ނިސްބީގޮތުން އެކިމީހުންނަށް އެކިއެކި ގުނަނުން އިމްތިޔާޒުކަން ލިބޭ ބައެކެވެ. އެގޮތުން އެއްބައި ގުނަނުން އިމްތިޔާޒުކަން ލިބިފައި އަނެއްބައި ގުނަނުން އެފުރިހަމަކަން ނުލިބި ހިނގައިދާނެއެވެ.

(2) ކަންމިހެން ހުރުމާއެކު ވަރަށްގިނަ ފަހަރަށް އަންހެނާއަށް ތިމާގެ ކިބައިގައި ރީތިކަން ހުރީ ކޮންތަނެއްގައިކަމާއި އެގުނަން ރީތިކުރަންޖެހެނީ ކިހިނެއްކަމާއި ރީތި ނޫންކަމުގައި ބެލިދާނެ ތަންތަން ރީތިކޮށްލުމުގައި ބޭނުންކުރެވޭނީ ކޮންކަހަލަ ހުނަރުވެރިކަމެއްކަމާއި ބޭނުންކުރުން ރަނގަޅީ ކޮން ވައްތަރެއްގެ ކުލައަކާއި ފުށެއްކަން ދެނެގަތުމަށްޓަކައި ކަމާބެހޭ މާހިރުންނާއި ތަޖުރިބާކާރުންގެ ކިބައިން މަޢުލޫމާތު ލިބިގަތުމަކީ ވަރަށް މުހިއްމު ކަމެކެވެ. އެފަދަ ފޮތްތައް ކިޔާލައި، ޕްރޮގްރާމުތަކުން ފައިދާ ލިބިގަނެ، ތިމާގެ މަޢުލޫމާތު މުއްސަނދި ކޮށްލަންޖެހެއެވެ.

(3) ހަމައެއާއެކު ތިމާއަޅާ ހެދުމަކީވެސް ރީތިކަން އިތުރުކޮށް ޢައިބު ފޮރުވާލާ އެއްޗެކެވެ. މޫސުމާއި ތަނަކީ ހެދުން ބަދަލުކޮށްލަންޖެހޭ ވަސީލަތެކެވެ. ހަމައެއާއެކު ތިމާގެ ހަށިގަނޑުގެ ހަމަކީވެސް ވަކިކަހަލަ ހެދުމެއްނޫނީ ޤަބޫލުނުކުރާ އެއްޗެކެވެ. ތިމާގެ ޢާއިލީ އަފްރާދުންގެ ވިސްނުންވެސް ހެދުން އިޚްތިޔާރު ކުރުމުގައި މަގުދައްކައިދޭނެއެވެ. އެމީހުންގެ ވިސްނުމާއި ވައްޓަފާޅިއެވެ. ތިމާގެ މާޙައުލެވެ. ޒަމާނަށް އަންނަ ބަދަލަކާއި ފެށަނެކެވެ. ތަރައްޤީއާއި ތަހްޛީބު ވެސް ހެދުން ކުރަހައިދޭނެއެވެ. ޢުމުރާއި ހަށިގަނޑުގެ ބައްޓަމަކީވެސް ހެދުމުގެ ވައްޓަފާޅި ބަދަލުކޮށްލަން ބާރުއަޅައިދޭ ވަސީލަތެކެވެ.

(4) އެމެރިކާގެ މާހިރުން ދެކޭގޮތުގައި އިންސާނާގެ ތުންފަތުގެ މިނަކީ ފިރިހެނުން ކަމުގައި ވިއަސް އަދި އަންހެނުން ކަމުގައިވިއަސް، އޭނާގެ ރީތިކަމާއި ޖާޛިބިއްޔަތު ދައްކުވައިދީ، އަނެކުންގެ ކުރިމަތީގައި ތިމާގެ ބުރުސޫރަ ކުރަހައިދީ، ތިމާގެ ސިފަ ހާމަކޮށްދިނުމުގައި ވަރަށް ބޮޑު ދައުރެއް ކުޅެދޭ ގުނަނެކެވެ.

(5) އެމެރިކާގެ ލޮއިސްފެއިލް ޔުނިވަރސިޓީގެ ނަފްސާނީ ޢިލްމުވެރިން ދެކެވަޑައިގަންނަވާ ގޮތުގައި މީހާގެ ތުންފަތް ބޮޑުވާ ވަރަކަށް އޭނޭގެ ކިބައިގައި ޖާޛިބިއްޔަތު ގަދަވެގެންދާނެއެވެ. ޚާއްޞަގޮތެއްގައި އަންހެނާގެ ތުންފަތް ބޯވުމަށް ލޯބިކުރާ ފިރިހެނުންގެ ކުރިމަތީގައެވެ. ކަން މިހެން އޮތްކަމުގައިވިއަސް ގިނަ އަންހެނުން ދެކޭ ގޮތުގައި އެކަނބަލުންގެ މެދުގައި އައުލާކަން ދެވެނީ ފިރިހެނުންގެ ތުންފަތް ބޯވެފައި އިޙްސާސުވުން ބޮޑުވެފައި ތުންފަތުގެ ހަކަތަ ގަދަވާ މިންވަރަކަށެވެ. ގިނަ އަންހެނުން ބުރަވަނީ މެދުމިނުގެ ތުންފަތަށެވެ.

(6) ކަމާބެހޭ ދިރާސާތައް ކުރަށްވާ ބޭފުޅުންގެ ދިރާސާތަކުން ސާބިތުވާ ގޮތުގައި އިންސާނާގެ މޫނު ކުޑަވުމަކީ މޫނުގައިހުންނަ ކަޝިޝްކަމާއި ޖާޛިބިއްޔަތަށް ބަދަލު އައުމުގައި އަސަރުކުރުން ގަދަކޮށްދޭކަމެކެވެ. އެހެންކަމުން ރީތި ތުންފަތުން މޫނުގެ ޖާޛިބިއްޔަތުކަން އިތުރުކޮށްދޭނެއެވެ. މިހެން އޮތްކަމުގައި ވިއަސް ތުންފަތް ކިތަންމެ ރީތިވި ކަމުގައިވިއަސް މޫނުގައި ޖާޛިބިއްޔަތުކަމެއް ނެތްމީހެއްގެ ތުންފަތުގައި ހުންނަ ކަޝިޝްކަމެއްގެ ފައިދާ ނުކޮށްފާނެއެވެ.

(7) ކޮންމެއަކަސް އިންސާނާގެ ތުންފަތަކީ އޭނާގެ ޙަޤީޤީ އިޙްސާސާއި ޢާޠިފިއްޔަތު އަނެކާގެ ކިބައަށް ފޯރުކޮށްދީ، އޭނާގެ ޝުޢޫރާއި ވިސްނުން އަނެކާއާ ހަމައަށް ތަޢުބީރުކޮށްދީ ފޯރުކޮށްދޭން ހުންނަ އެންމެ މުހިއްމު ގުނަނެވެ.


(ނ) ރީތިކަމަކީ ވަރަށް ގިނަ ފަހަރު ނިސްބީ ކަމެކެވެ. އެކަކަށް ރީތިވީ މީހަކު އަނެކަކަށް ރީތިނުވެވެސް ހިނގައިދާނެއެވެ. ދިގުވުމަކީ ވެސް އެކަހަލަ ކަމެކެވެ. ހުޅަނގުގައި ނުވަތަ ގްރީސް ގައި އަންހެނާ ދިގުވުމަށް ލޯބިވިއަކަސް ސައުތު އޭޝިޔާގައި އަންހެނާ ދިގުވުމަކަށް ލޯތްބެއް ނުކޮށްފާނެއެވެ. ބައެއް މީހުންނަށް އަންހެނާ ދޮންވުމަކީވެސް ރީތިވާ ކަމެއްނޫނެވެ. ކަޅުވުމަކީވެސް ހުތުރުވާކަމެއްވެސް ނޫނެވެ. ވަރަށް ގިނަ މީހުންނަށް ކަޅާއި ދޮނާއި އެއްވެ ޚައްޗަރުވުމަކީވެސް ވަރަށް ރީތިވާ ސިފައެކެވެ.

(ރ) ރީތިވުމަކީ އިސްލާމް ދީން ވެސް އެކަމަށް ބާރުއަޅާފައިވާ ކަމެކެވެ. އެކަމަށް ތަރުހީބުދޭ ސިފައެކެވެ. ކީރިތި ޤުރުއާނުގައި މާތް ﷲ ވަޙީކުރަށްވާފައި ވެއެވެ. يَا بَنِي آدَمَ خُذُوا زِينَتَكُمْ عِنْدَ كُلِّ مَسْجِدٍ وَكُلُوا وَاشْرَبُوا وَلاَ تُسْرِفُوا إِنَّهُ لاَ يُحِبُّ الْمُسْرِفِينَ (الأعراف: 31) މާނައީ: އޭ އާދަމުގެ ދަރީންނޭވެ! ތިޔަބައިމީހުންނަށް ޒީނަތެއްގެ ގޮތުގައި ﷲ ލައްވާފައިވާ ހެދުމުގައި، ޒީނަތްތެރިވެތިބެ ނަމާދުކޮށް އުޅޭށެވެ! އަދި ޙަލާލު ތަކެތީން ކައިބޮއި ހަދާށެވެ! އެކަންކަމުގައި އިސްރާފު ނުކުރާށެވެ! އެހެނީ އިސްރާފުކުރާ މީހުންދެކެ ﷲ ލޯބިވެ ވޮޑި ނުގަންނަވައެވެ. މިއެވެ. އަދިވެސް އެއިލާހު ވަޙީކުރަށްވާފައި ވެއެވެ. قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ (الأعراف: 32) މާނައީ: މާތް ﷲ އެއިލާހުގެ އަޅުތަކުންނަށް ޒީނަތެއްގެ ގޮތުގައި ދެއްވާފައިވާ ހެދުމާއި، ޙަލާލުކޮށް ދެއްވާފައިވާ ރޯދި، ޙަރާމްކުރުމުގެ ޙައްޤުދިނީ ކާކުހެއްޔެވެ؟ މިއެވެ. ލޮބުވެތި ރަސޫލާގެ ޙަދީޘުފުޅެއްގައި މިފަދައިން އައިސްފައި ވެއެވެ. “މާތް ﷲއަކީ ބޮޑަށް ރިވެތިވޮޑިގެންވާ ފަރާތެވެ. ރީތިއްޗަށާއި ރިވެތިކަމަށް އެއިލާހު ލޮބުވެތިވެ ވޮޑިގަންނަވައެވެ.” މިއެވެ.

(ރ) އަންހެނާގެ ރީތިކަމާއި ޒީނަތަކީ މާތް ދެއްވި ވަރަށް ބޮޑު ނިޢުމަތެކެވެ. އެނިޢުމަތް ދެއްވީތީ އެކަން ފިލައިގެން ދިޔަނުދީ ބަލަހައްޓައި، އެކަން ހިފަހައްޓަންޖެހެއެވެ. ހަށިގަނޑުގެ ގުނަންތަކަށް ސަމާލުކަންދީ ބަލަހައްޓާ ފަދައިން ތިމާގެ ގައިގެ ހަމާއި ހަންގަނޑު ބަލަހައްޓައި، އެތަކެއްޗަށް ކާނާއާއި ފަރުވާދީ، ޒީނަތްތެރި ކުރަންޖެހެއެވެ. ތިމާގެ ރީތިކަން ތިމާއަށް އިޙްސާސުވާ ފަދައިން އެރީތިކަން ދައްކަންޖެހޭ މީހުންނަށް އެރީތިކަން، ރީތިކަމުގެ ގޮތުގައި ދައްކަންވެސްޖެހޭމެއެވެ. ޙަރާމްކުރެއްވި ގޮތުގައި އެރީތިކަން ބޭނުންކުރުމަކީ ﷲ ދެއްވި ނިޢުމަތަށް ކުފުރުވެރިވެ، ނާޝުކުރީވުމެވެ.

(ބ) އަންހެނާވެސް އަދި ފިރިހެނާވެސް ރީތިވެ ޒީނަތްތެރިވުމަކީ ނެތްކަމެއްނޫނެވެ. އަދި ދީން މަނާކުރާ ކަމެއްވެސް ނޫނެވެ. އާދެ، ދީން އެކަމަށް ބާރުއަޅާ ކަމެކެވެ. ޚާއްޞަކޮށް އަންހެނާއަކީ ޒީނަތެއްކަމުގައިވާތީ އެޒީނަތް، ޒީނަތެއްގެ ގޮތުގައި ދަމަހައްޓަންޖެހެއެވެ. މާތް ﷲ އައްނޫރު ސޫރަތުގައި ބުރުގާގެ އާޔަތުގައި އަންހެނާގެ ޒީނަތުގެ ވާހަކަ ތަކުރާރުކޮށް ބަޔާންކޮށްފައި ވެއެވެ. އެއާޔަތް ނިންމާލައްވަމުން މިފަދައިން އަންގަވާފައި ވެއެވެ. وَلاَ يَضْرِبْنَ بِأَرْجُلِهِنَّ لِيُعْلَمِ مَا يُخْفِينَ مِنْ زِينَتِهِنَّ  މާނައީ: އެކަނބަލުންގެ ޒީނަތުގެ ތެރެއިން ހިލޭ ފިރިހެނުންގެ ކުރިމަތީގައި ފޮރުވަން ވާޖިބުވާ ތަނެއް ފާޅުވެދާފަދަ ގޮތަކަށް، އެބައިމީހުންގެ ތެރޭގައި އެކަނބަލުން ހިނގައިބިނގައި ނުހަދާށެވެ. މިއެވެ.

(ޅ) އަޅުގަނޑުމެންނަކީ މުސްލިމުންނަށް ވީތީ، މުސްލިމުން ކޮންމެކަމެއްވެސް ކުރާން އޮންނަ ރީތި ގޮތަށް އެކަމެއް ކުރުމަށް އިސްލާމު ދީން އަނަގައެވެ. އެއިންކަމެއް ކުރުމުގައިވެސް ހައްދުން ބޭރުވެގެންނުވާނެއެވެ. މިގޮތުން ރީތިވުމާއި ތިމާގެ ހަށިގަނޑާއި ހަމުގެ ބުރުސޫރަ ދެމެހެއްޓުމާއި ތިމާގެ ރީތިކަން ހިފެހެއްޓުމަކީ ކުރާންއޮތް ކަމެއް ކަމުގައިވިއަސް އެކަމުގައި ހައްދުފަހަނަޅައި ދިއުމެއް އިސްލާމް ދިނަކު ނޯވެއެވެ. ދީނުގައި މަނާކުރެވިގެންވާ އެއްވެސް ކަމެއް، އެއީ ރީތިކަމެއް ކަމުގައި ބަޔަކު ދުށްކަމުގައިވިއަސް އެކަން ރީތިކަމެއްކަމުގައި ދެކިގެންނުވާނެއެވެ.

(ކ) ކޮންމެ ވެއްޓަކީވެސް އަދި ކޮންމެ މުޖްތަމަޢަކީވެސް ވަކި މުސްތަޤިއްލު ވެއްޓަކާއި މުޖްތަމަޢެއް ކަމުގައިވާތީ، އެވެއްޓަކާއި މުޖްތަމަޢެއްގެ މެދުގައި ވަކިކަހަލަ، އަމިއްލަ ޘަޤާފަތަކާއި އާދަކާދައެއް އޮންނާނެއެވެ. އެމީހުންގެ މެދުގައި ރީތިކަން ދެކޭ މިންގަނޑަކާއި ފަންތިއެއްވެސް ނޯވެ ނުދާނެއެވެ. އެއްބަޔަކަށް ދިގުވުން ރީތިވާއިރު އަނެއް ބަޔަކަށް ކުރުވުން ވެސް ރީތި ވާންވާނެއެވެ. ކުލަ ކުލައަކީ ވެސް ނިސްބީ އެއްޗެކެވެ. ބައެއްފަހަރު ދޮންވުން ރީތިވާއިރު އަނެއްބައިފަހަރު ކަޅުވުން ވެސް ރީތިވެއެވެ. ތިމާއަށް ﷲ ދެއްވި ކުލައަކަށް ޝުކުރު އަދާކުރަންވާނެއެވެ. އެކުލައެއްގެ މަތީ ތިމާގެ ރީތިކަން ހިފެހެއްޓޭތޯ ބެލުމީ އެންމެ ބުއްދިވެރި ގޮތެވެ. ﷲ ދެއްވި ނިޢުމަށް ޝުކުރުވެރިވުމަކީ އެއީއެވެ.

(އ) ރީތިކަން އެންމެ ބޮޑަށް ބޭނުންވަނީ އަންހެނާއަށެވެ. އަދި އެކަން ދަމަހައްޓަން މަސައްކަތްކުރަނީ ވެސް އޭނާއެވެ. ޖިންސުއްލަޠީފަކަށް ވީތީއެވެ. ޒީތަނަކަށް ވީތީއެވެ. ޖާޛިބިއްޔަތުގެ އަޞްލަށް ވީތީއެވެ. ޖޯޑެއް ފުރިހަމަވުމުގެ ޙަޤީޤީ މަންޒިލަށް އަންހެނާ ވީތީއެވެ. އެހެންނަމަވެސް ދަންނަންޖެހޭ ވަރަށް ބޮޑު ޙަޤީޤަތެއް އެބަ އޮވެއެވެ. އެއީ ޖިންސުއްލަޠީފެއްގެ ޙަޤީޤީ ރީތިކަމަކީ ކޮބައިކަމެވެ. އަރަބި ޅެންވެރިޔާ ބުނެފައިވާ ފަދައިންނެވެ. زِينَةُ الْبِنْةِ الأَدَبُ ، لاَ بِحُسْنٍ وَذَهَبٍ މާނައީ: އަންހެންކުއްޖާގެ ރިވެތިކަމަކީ އޭނާގެ ކިބައިގައި ހުންނަ އަޚްލާޤަކާއި އަދަބުވެރިކަމެކެވެ. ހަމައެކަނި އޭނާ އަޅާފައި ހުންނަ ގަހަނާއަކާއި ލިބިފައިހުންނަ ރީތިކަމެއްގެ ސަބަބަކުން ނޫނެވެ. މިއެވެ. އާދެ، އަންހެނާގެ ރީތިކަމަކީ އަޚްލާޤު ރީތިކަމެވެ. ތިމާއަށް ލިބިފައި ހުންނަ މުރާލިކަމެކެވެ. ތިމާގެ ކިބައިގައި ހުންނަ ވަފާތެރިކަމަކާއި ޢިއްފަތްތެރިކަމެކެވެ. ތިމާގެ ޠަބީޢަތް އެއަށް ހޭނިފައިވާ ކިޔަމަންގަތުމަކާއި ކިޔަމަންކުރުވުމުގެ ސިފައެކެވެ. ތިމާ ހޯދާފައިވާ ހިނިތުން މޫނެކެވެ. އެއިރުން އެފަދަ އަންހެނާއަކީ ދެދުނިޔެ ލިބިއްޖެ އަންހެނެކެވެ. ދެދުނިޔޭން ކާމިޔާބު ހޯދައިފި މީހެކެވެ. އެންމެ ރީތި ޖިންސުއްލަޠީފެވެ.

(ވ) މިތާގައި ހަނދުމަކޮށްލަންޖެހޭ އެހެން ނުގުތާއެއްވެސް އޮބަ އޮވެއެވެ. އެއީ ސުވަރުގެއިން އެންމެ މަތީ މަޤާމު ޙާޞުލުކުރެވޭ މީހަކީ ކޮބައިކަން ދަތުމެވެ. އާދެ، އެއީ އަޚްލާޤީ ގޮތުން ކީރިތި ރަސޫލާއާ އެންމެ ކުއްތަންބޮޑު ހިނދުކޮޅެއްގެ ވެރިއަކީ، އެންމެ ބުރުސޫރަ ރީތި މީހާ ކަމުގައި ކީރިތި ރަސޫލާގެ ޙަދީޘުފުޅުގައި އައިސްފައި ވެއެވެ. އެހެންކަމުން އެކަމަށް ފަރުވާތެރިވާންޖެހެއެވެ. އަންހެނާއަށް ސުވަރުގެއިން ލިބޭނެ އެންމެ މަތިވެރި އެއް ނިޢުމަތަކީ އޭނާއަށް ދުނިޔެމަތީގައި ބޭނުންވާ އެންމެ ބޮޑު އެއް ނިޢުމަތެވެ. އެއީ ރީތިކަމެވެ. ދަންނާށެވެ! ދުނިޔެމަތީގައި ޞާލިޙުގޮތުގައި، ރީތި އަޚްލާޤާއެކު އުޅޭ އަންހެނާއަށް އޭނާގެ އަޚްލާޤާ އެއްވަރަކަށް ސުވަރުގޭގައި ރީތިކަން ދެއްވާނެކަމީ ޝައްކެއް އޮތްކަމެއްނޫނެވެ. އާދެ، އެއީ މަތިވެރި މާތްﷲގެ ދީލަތިވަންތަ ކަމުގެ ބޮޑުކަމެވެ. އާޚިރަތް ދުވަހު ސުވަރުގެ ވެރިންގެ ގޮތުގައި ލައްވާފައިވާ އަންހެނުންނަށް މާތް ދެއްވާނެ ނިޢުމަތަކީ ޙޫރުލްޢީނުންނަށް ވުރެން އެފަދަ ޖިންސުއްލަޠީފުން ރީތިވެފައި ޖާޛިބިއްޔަތު ގަދަވުމެވެ. އެކަނބަލުންނަށް ބޭނުންޖެހޭ އެންމެ ބޮޑު ނިޢުމަތަކީ ރީތި މޫނެއްގެ ވެރި، ލޫޅާފަތި ހަށިގަނޑެއްގެ ވެރިއަކަށް އޭނާ ވުމެވެ.

]]> https://heyobas.info/?feed=rss2&p=1471 0